Hassan Khalil 25 ديسمبر 2021 · يا الله هل ختمت الأنبياء. يعني مش قصدي لا سمح الله. وبعرف انك ختمت الأنبياء. قصدي يا ا

[adminArchive]

Hassan Khalil
25 ديسمبر 2021 ·
يا الله هل ختمت الأنبياء.
يعني مش قصدي لا سمح الله. وبعرف انك ختمت الأنبياء.
قصدي يا الله مين ممكن يخلص اللبنانيين من هالعصابة غير نبي.
بس عم افكر مرة تانية. منيح يا الله ختمت الأنبياء، وما تبعث نبي علبنان.
يا الله، شفنا شو صار بالانبياء اللي بعثتهم من قبل.
يا ربي لطفك شو كانت هالعصابة بلبنان بتعمل بنبي جديد تبعثه.
والله يا رب لكان النبي أيوب لقى صبره فرج.
ولكان السيد المسيح لقى صلبه نعمة، ولكان النبي محمد لقى هجرته رحمة.
يا رب. هؤلاء غير انهم ارتكبوا جرائم ضد الإنسانية وابادة جماعية ضد ناسهم، هؤلاء رشوا رؤوساء دول كبرى، واحتالوا على مؤسسات دولية، ومؤسسات تصنيف، وزوروا بيانات حسابات البنوك، ونهبوا مال قارون، واخذوا سلطة نيرون، وما اكتفوا.
معليش يا رب ما تظلم نبي فيهم. نحن ابتليتنا واكلنا الضرب، شو ذنب الانبياء...
حسن أحمد خليل