3 أبريل · 2023 ‏في صبيحة يوم رمضاني وفصح.. بيخطر على بالي اسئلة من سنين، الناس ما بتسألها. مشغولة بحلقات الدراما: كل ا

[adminArchive]

3 أبريل · 2023
‏في صبيحة يوم رمضاني وفصح..
بيخطر على بالي اسئلة من سنين، الناس ما بتسألها. مشغولة بحلقات الدراما:
كل الاحزاب لها جمهورها.
*اولا. من أين تمويل كل هالماكينات من مكاتب وفروع وكشاف وموسيقى وحملات وبيوت للزعماء وحرس وسلاح ومسلحين؟*
بشرفكم ما حدا يبيعنا كذبة التبرعات.
التبرعات ما بتبني قصور وقلاع وفلل وعمارات للزعماء..
ثانيا.
طيب. اذا حطينا موضوع موقع لبنان في الصراع الاقليمي على جنب. وله الحق كل حزب، او بالأحرى رئيس حزب، (لانو فعليا ما في أحزاب، بس رؤساء أحزاب).
له الحق انو يكون له رأيه. (هيدا إذا افترضنا انو له رأي، مش بيغير حسب التعليمة من اللي بيمولوه):
*شو الفرق بين كل الأحزاب اللبنانية حول مشروع الدولة ومؤسساتها، والانماء الزراعي والصناعي والسياحي؟. من لها مشروع او برنامج حكم؟*
*حول تحديث النظام المصرفي؟*
*حول التركيز على الميزات الانتاجية للاقتصاد اللبناني؟*
*حول دور الدولة في التقديمات الخدماتية والاجتماعية، من رعاية وضمان وصحة وشيخوخة وتقاعد..*
بدون طول حديث.
كان في حزبين ايدولوجين. كانوا..وضعفوا جدا. وفي حزب واحد قوي جدا ايدولوجي، يعمل لوحده. كلكم بتعرفوه.
*وباقي الاحزاب كلها فيك تدمجهم بحزب واحد.*
*لا ايدولوجية. لا مشروع. أغلبها وراثية او عائلية. عناوين فضفاضة، من لبنان سيد حر نهائي، حريات، إصلاح، تنمية، تغيير..*
*المستقبل دمر الحاضر والمستقبل. وأمل ضيعت الأمل. وقوات زرعت الضعف. وتقدمي دائما رجعي. وخيارات التغيير والاصلاح بالاشخاص وتضييع فرصة "العهد القوي" بتبريرات وتبريرات. صار البلد كله بدو تغيير واصلاح. وكتائب بعدها كأنها كتائب ثلاثينات القرن الماضي، وما عنده إلا عقدة واحدة بالبلد. بدونها حيضيع شو بيحكي. واخيرا تغيريين. بعضهم لا واضح ولا صادق ولا نبي يعقوب ولا ابو ملحم ولا ضو ولا عتمة. هني بدهم تغيير..*
*الأحزاب واجهات للحصول على حصة لرئيس الحزب او التيار او الحركة.. وازلامه..*.
المشكلة في كتار مصدقينهم.
ويسامحني اللي زعلته..لأنه عن قصد، او براءة هو مستفيد، او عنصري، بوعي او بلا وعي..
*شو؟ ما خلينا ولا صاحب؟ من قال لك همنا "أصحاب". مع هيك "اصحاب" ما بحاجة لأعداء.*
*نقول كلماتنا، ولو كنا لوحدنا. هيدا اللي بنتركه لأولادنا .. وللتاريخ.*
*همنا نسترجع دولتنا وبلدنا اللي دمروها "الأصحاب"*
٢نيسان٢٠٢٣
حسن أحمد خليل‏