اسمعوا هالمزحة
“اعلان البارحة: مجلس الوزراء يقبل استقالة رئيس مجلس إدارة مستشفى.. “.
العمى فكرنا في حدا شرب اخيرا حليب سباع واستقال.. طلع رئيس مستشفى..
معقول..
معقول…
معقول بلد بامه وابوه وحكومة ومجلس نيابي، ما بينوجد فيه بس واحد؟ واحد بس؟ بيشعر بالعيب او بالذنب….
واحد بس شارب حليب امه، ومش فارقة معه منصب ولا جاه، ومش منظر، ويصرخ ويقول انو يرفض يضل شاهد زور.. #ويستقيل.. ويعمل من مبادرته رمز.. واحد بس..
حيرد المنتفعين: مش رح نترك الساحة حتى ما تفضى، ويصيروا الباقيين يعملوا اللي بدهم..
وكأنو وجودهم هلق عم يعمل فرق..
وحيقول آخر: لو استقلت، بكرا حيكون يوم عادي، والناس بتنسى.
اقلها اعملها لترتاح مع نفسك.. وتفتخر..
حزبي.. تغييري.. مستقل.. ما في فرق الا قلة قليلة..
الكرسي عزيزة ولو مشلولة..
يا صفية.. ما فيش فايدة..
١٠ تموز ٢٠٢٤
#حسن_أحمد_خليل
