١١ شباط ٢٠٢٤ بناء على طلب الكثيرين، ولزيادة غيظ "اللي تحتهم مسلّة نعرتهم"، نعيد نشر المقال مع بعض التنقيح

(بناء على طلب الكثيرين، ولزيادة غيظ “اللي تحتهم مسلّة نعرتهم”، نعيد نشر المقال مع بعض التنقيح..)

من لا يعجبه الكلام، فليتوقف عن القراءة، او فليرد ويناقش بموضوعية، وعقل، ولو لمرة، منفتح..

برهنت الاحداث على مدى ٨٠ سنة واكثر، ان الشعب اللبناني ليس من اكثر الشعوب المتخلفة، بل قد يكون اكثر شعب متخلف في العالم.. بعضه يدعي الحضارة، عنوانها كم كلمة اجنبية وكم مطعم، وبار ومايوه، اصبحوا متوفرين في اكثر الدول المتحضرة.. والمتخلفة..
~شعب قاتل كذا حرب اهلية، من اجل تمذهب مزيف، وزعماء وحوش، ورجال دين منافقين..
بعدها، من بقيوا منه احياء، انسرقوا منهم.. وبعد ٨٠ سنة.. بعضهم بعدهم غنم عندهم..
هيدا بيعمل من زعيمه لولا الهاء نبي..
وهيدا زعيمه شو ما عمل، هو بيعرف مصلحته اكثر..
وهيدا مبسوط اليوم ان زعيمه المنفي ممكن يرجع، ويخلص لبنان.. ناسيا ان هالزعيم مع الباقيين واللي قبلهم، هم من نهبوه واللي سرقوه..
وناس بعدها مع زعاء على ايديهم اغتيالات ودماء..
ومع زعيم ورث من جده وابوه، وحيورث حفيده وابن حفيده..
بيحلفوا بحياتهم..

~وشعب بينتظر عظة احد وبطريرك.. وخطبة جمعة مفتي ومفتي ممتاز، وشيخ عقل.. ما كانوا ليكونوا لولا “الزعيم”..
~شعب منه احدهم ينشر احصاء عن نسبة الموظفين المسيحيين على المسلمين بالجمارك مثلا.. ولو كانوا كلهم افسد من بعض..
مسلم مسيحي.. شيعي سني درزي علوي ماروني كاثوليكي ارثوذكسي ارمن اشور لاتين وغيرهم وغيرهم..
قرفتونا الدين.. وقرفتونا المذاهب.. كفرتونا..
تخلف عقلي.. شعب مش عارف الفرق بين التدين والمدنية..
شعب بيتعصب ضد معاقبة موظف فاسد لانو من دينه..
شعب منه سارق وفاسد وقاتل، وبيحكي بمذهبه ودينه..
~وشعب مات وانسرق علشان زعماء هني اللي بعدهم حاضنين وحاميين مهندس السرقات الاكبر.
وكل يوم بيتراسلوا حول التعاميم اللي اصدرها..
شعب منه قاضي باع ثوبه الاسود.
شعب منه ضابط الامن باع هيبة البدلة..

هيدا اكثر الشعوب المتخلفة..
هيدا مش شعب..

شعب بيعيد انتخاب مجلس نواب بعضهم دمى ولصوص، بيعاملهم رئيسه كاطفال حضانة، او متخلفين عقليا في عصفورية.. ومن هبلهم بيضحكوا..

شعب اللي بيحكي بمذهبه مش بجنسيته..
واللي بيعتبر انو لانو امه ولدته على مذهب ما، هو مميز عن غيره..

هيدا مش شعب..

شعب بيطلع منه 400 فصيل يعملوا ثورة، وما بيضل 40 واحد متحدين..

هيدا مجموعة بهائم تاكل وتشرب وتكره وتموت..

واللي هيك لا اسف عليه، لو كان من بطن امي..

وشو؟ قال كل يوم بيناقشوا تعميم 150دولار، وخطة تعافي ورد ودائع وهيكلة مصارف شبعت افلاس، وضعوها الحرامية انفسهم… ..قال..

~شعب.. لا هو مش شعوب.. هو اجساد متحركة.. وعقول مخدرة.. ومن بقي واعيا منه، يراجع الطبيب النفسي، او يفش خلقه على الواتساب..

تفاصيل اكثر بالفيديو..
(رجاء: اعفونا من انو عيب نحكي هالكلام.. حنموت نحكي تهذيب، متل ما ماتوا اباءنا واجدادنا.. وما تغير شيء).

١١ شباط ٢٠٢٤
حسن أحمد خليل

Translate post
10:58 AM · Feb 12, 2024
·
19.8K
Views