يا لبناني .. شو قصتك؟ شو سرك؟ شو تركيبتك؟
بيفهم الواحد انو مواطنين في بلدان جارة ينبسطوا بتحرير بلدهم من طاغية فاسد.. ومبروك لهم وحقهم..
بس كيف اللبناني بينسط معهم ولهم، وهو ببلده بيضل اسير وذليل ويوالي حتى العبادة زعماء سرقوا جنى عمره وشتتوه ودمروا دولته ومستقبل اولاده.؟ كيف هالتناقض بشخصيته؟
كيف بينبسط لبلد جار انو ممكن تولد فيه دولة قوية.. وهو ببلده راضي يبقى في زواريب مناطق وطوائف؟.
يا عزيزي اللبناني..
هل صعبة نكون يد واحدة ما نفرق عن بعض، وما يكون في عنصرية بيناتنا؟
هل صعبة؟
١٥ ديسمبر ٢٠٢٤
حسن أحمد خليل
