١٧ نيسان. ٢٠٢٤ هولي عملاء.. لا. هوليك..

هولي عملاء.. لا. هوليك..

هولي بيقولوا عن هوليك انهم عملاء للغرب..
وهوليك بيقولوا عن هول انهم عملاء لأ.ي.ران..
واخيرا ظهرت نظرية جديدة ومقالات انو اي.را.ن حليفة بالسر مع الغرب، لتقاسم المغانم..
سالت البارحة عشرة.. طيب يعني اذا هيك، الكل مع بعضهم..
اذن، مين ضد مين، ومين مع مين، وعلى شو؟ واذا هيك مين عم يحارب مين؟
..
ذكرونا بلبنان..
بري حيضلو مصر ينتقم من عون وباسيل.. بس مؤخرا في بوادر تقارب، مش محبة، بس نكاية بجعجع، اللي بيتمنى يرجع يتراضى مع بري.. الكتائب اصلا ما بيزعلوه..
وبري هو حليف الحزب..والتيار كمان.. وهو حليف جنبلاط اللي ضد الحزب.. ومع الحزب.. ، ومش معجب بالقوات، بس معهم “بالسيادة”..
والحزب والتيار متفقين ومختلفين.. لازم كومبيوتر ليفهمها الواحد..
بانتخابات النقابات، كانوا هولي بحلف مع هول، ضد هوليك..
مين مع مين وعلى شو؟
ومين ضد مين.. وعلى شو؟..
انت مع مين يا صفية؟
شو. ما مع حدا؟

انا مع الخماسية، ويا رب يطلبوا مقابلتي.. او يجوا لعندي.. يا ريت..
طفي الضو وغطينا لننام… بركي بحلم شو حلم حلو..

١٧ نيسان. ٢٠٢٤
حسن أحمد خليل

Translate post
9:36 AM · Apr 17, 2024
·
2,276
Views