تلاميذ في روضة ساحة النجمة ينتفضون..
البارحة كانوا النواب الاطفال في حضانة المدير نبيه بري..
اقعد يا فلان..
واسكت يا فلان..
وخلاص يا فلان..
وكانوا مبسوطين..
فجاة انتفضوا عليه وعلى سلطته وعلى نفوذه..
ولو.. خير يا طير..
البارحة كانوا حبايب وضحك وعبيط..
البارحة تحاصصوا ومرقوا موازنات مع بعض، وصلت الدين 100مليار…ومنعوا تدقيق جنائي وعملوا المركزي قلعة ممنوع دخولها لمعرفة وين راحت ال 80مليار..
شو صار حتى كمان بعض النواب “المتغيرين” صاروا تشي غيفارا سيادة.
قال شو؟ من وين عنده صلاحية يفاوض؟
طيب اذا ما عنده صلاحية، ليش الطرف الاخر عم يتفاوض معه إذن؟
ومين قال المرجعية للمفاوضات هي مجلس النواب، او النواب.
وقت اللي كان مناسبكم انو بري يكون الرجل القوي بالدولة، ما سمعنا صوت منكم. هلق رجعتوا سياديين، وبدكم بري بس يكون رئيس سلطة تشريعيية؟
مع خلافنا الصادق العميق من 30سنة مع الرئيس بري، اليوم ذكرونا النواب الاطفال في الخضانة، باللي قلناه من يومها:
مع هيك نواب ما بينفع الا الرئيس بري..
والعكس صحيح..
واصلا لو ما هو وانتو شرعتوا هيك قانون انتخاب، ما كنتوا اصلا عملتوا نواب، بعضكن ب300 صوت ل2000 صوت..
واليوم جايين تدعوا تمثيل الأمة..
لعنة الله على من جعل هذه “الامة”، امة القبائل والقبلية والعشائر والعنصرية، والوحوش المفترسة، مسخرة الامم.
ندعو للرئيس بري التوفيق بالمفاوضات..
ثم نعود الى المحاسبة بعد الحرب..
٢٠ نوفمبر ٢٠٢٤
حسن أحمد خليل
