حوار من اول وجديد..
والله عجيب..
سمعنا في عودة للحوار..
واكيد مش راح يتحاوروا مع شعبهم البرغش.. اصلا بالكاد يتحننوا ويسلموا عليهم..
الحوار مع وبين المنظومة..
*طيب.. كانوا يخبرونا.. والله كنا رحنا نحن حاورنا كمان… معروض علينا من زمان*
بس بدهم بيتعادوا، وبيرجعوا يتحاوروا، وبعدين بيتعادوا، وبعدين بيتحاوروا..
*للي بدو يحاور اهلا وسهلا.. بدو يقدم الطاعة.. والباب مفتوح.. بالماضي الباب انفتح ورجع تسكر.. وممكن ينفتح بكبسة زر*
طيب. رحتوا تحاورتوا.. فهمنا..
*على شو حتتحاوروا.. على مواضيع غير اللي اختلفتوا عليها، او بس عرئاسة جمهورية..؟*
*هل حتحاوروا على الجمهورية نفسها.. او بس على الحصة بمسخ الجمهورية..*
خلي بالقلب يجرح ولا يطلع على اللسان ويفضح..
غطيني يا صفية، ودخيلك فنجان نعنع.. نفسي عم تلعي..
طلعت انا وانت وجارنا، بس اللي خربنا الدولة..
*ولازم يصير في لبنان خراب اكثر واكثر، ويصير صومال.. بركي.. بركي..*
هل هناك في لبنان جبهة معارضة، فعلا تحمل مشروع وطني؟
*هناك اهل سلطة.. واهل تعارض مصالح.. لا جبهة معارضة..*
*جلّ طموح بعض اهل المعارضة ايجاد الفرص ليكونوا في السلطة.. والتحاصص..*
وهكذا دواليك..
“وتلك الايام نداولها بين الناس” .. صدق الله العظيم.
٢٤ شباط ٢٠٢٤
حسن أحمد خليل
Translate post
8:42 AM · Feb 24, 2024
·
4,152
Views
