٢٤ يناير ٢٠٢٤ *هل هي شماتة؟*

*هل هي شماتة؟*

نعم شماتة ونص.
شو ما عملوا على قلوبكم سمنة وعسل..
اغتصبوكم واغتصبوا اعراضكم.. قلتوا ما شفنا شيء..
نهبوكم.. قعدتوا على الصوفا.. وقلتوا شو فينا نعمل؟ بيضربونا..
..
نجحوا يشغلوكم ببعضكم، ليشحذوكم 150دولار شهريا؟ والمزدعين ما بيقدروا يجمعوا الف شخص من مليونين مودع..
وصرتوا تناقشوا تعاميم غير قانونية..
وبعض الناس تشكي من الموازنة؟
ليش؟
من يناقشها؟
من يقرها؟ اليست نفس العصابة التي سرقتكم؟
اليست العصابة المسيطرة على القضاء، ولم يتم توقيف مرتكب واحد؟
من اتى بهم إلى مجلس النواب؟
اليس بعضكم من كل الاحزاب والمذاهب المريضة؟
اليس منكم ممن يشكون، من لا يشتركون في اي حراك ولو بالكلام والتوعية؟ منزويين؟

*شماتة ونص؟*

وبعد ما شفتوا شيء..
اللي بيجيب الدب على كرمه ما بيشكي..
واللي بيتعصب لشيعيته ومارونيته وسنيته ودرزيته، لاسباب تخفيفية عنصرية، ما بيشكي..
واللي راكبه خوف دائم ما بيشكي..
واللي مستزلم او متعصب بعمى، ما يفتح تمه..

عم تشكوا من موازنة؟
عملوا فيكم الفظائع وساكتين من يومها وبتنتخبوهم..

وبعد الاتي اعظم.
هل عم تسمعوا وتستمعوا للمقابلات المليانة كراهية آخر كم يوم.. .
بعد جاي ايام ما حيعرف الاخ اخاه..
رجاء.. اللي حينتقد انو هالكلام قاسي، يخبرنا شو الكلام الناعم.. من 81 سنة وجاي..

*شماتة ونص..*

٢٤ يناير ٢٠٢٤
حسن أحمد خليل

Translate post
10:56 AM · Jan 24, 2024
·
14.2K
Views