افلاس خزينة وودائع تبخرت.. والحكومة والمجلس النيابي بعدهم بعالم ناني..
البلد في نص حرب، وعلى حافة مواجهة كبيرة، وبعدهم الحكومة والمجلس في عالم تاني..
ما احتاجوا يعلنوا حالة طوارئ مع كل اللي صار آخر ٥ سنين..
بس الحمدلله الشعب متصدي للافلاس والحرب… بسهرات رمضانية واعياد.. ..
انتو بتعرفوا انو في لبنانيين شمتانين بالمصارف اللي افلست لان اكثر اصحابها من مذهب ما..
وفي لبنانيين ايضا شمتانين بالحرب، لان اكثر الضحايا من مذهب آخر..
بتعرفوا انو لبنان البلد الوحيد اللي صار فيه انفجار بحجم المرفأ، ودغري راحت العقول تصنف مذاهب اصحاب البيوت المتضررة، وتقسيم مذاهب الضخايا..
يا عالم…
في كره حتى بالافلاس والموت..
وبيجي حدا بيلومك ليش دايما نقسى على الناس..
هونيك اساس البلاء..
هونيك الجهل والعنصرية والكراهية.
ومن هونيك الزعماء والمجلس.. .
٣ نيسان ٢٠٢٤
حسن أحمد خليل
