٦ نيسان ٢٠٢٤ يسالونك عن الحل..

يسالونك عن الحل..

اذا سرقة 250مليار من خزينة الدولة..
وسرقة 120 مليار ودائع..
وافلاس صناديق التقاعد والضمان..
اذا كل هول ما هزوا امة، وما صحوا شعب نايم, وبدهم بيناموا وبيشخروا.. …
ومش بس ما انتفضوا بحنون، وما نزلوا على الشوارع والساحات كالمجانين، وما افترشوا الارض مع طبابيل ومزامير من سنين.. ولا اضربوا عن الطعام كجوعانين..
بل منهم من اعاد انتخاب السارقين، ومنهم من سكت ورضي.. ورضي ب400 و150 دولار متهنئين..
ومنهم..ومنهم..
كيف بعد في حدا عنده حس اوعقل اومنطق واخلاق، بعده بيسألنا شو الحل؟
المشكلة مش بالعصابة..
المشكلة بالمسروق المتعاطف مع السارق..
اعطونا شعب حي، بنعطيكم مية حل تقني..
يا صفية. من كم يوم كان عيد الفصح..
وبعد يومين عيد الفطر. وبتخلص السهرات الرمضانية..
صحيح يا صفية في بيوت ما بتاكل اذا ما وصلتها الحصة الغذائية..
بس غير هيك، شو رايك يا صفية؟ ايدي على راسك، هيدا بلد تبخرت فيه 400مليار دولار.. ايدي على راسك…
الف مبروك لرئاسة المجلس والحكومة والوزراء والنواب.
انتو نوابغ..
وانا وصفية بسطاء.. موهومين ومتوهمين..

(غدا. بمناسبة لقاءات بكركي، رسالة من مسلم مسيحي معا، الى بكركي، والى كل المسيحيين في لبنان)

٦ نيسان ٢٠٢٤
حسن أحمد خليل

Translate post
10:54 AM · Apr 6, 2024
·
8,441
Views