٨ تموز ٢٠٢٤ نرجع نعيد..

نرجع نعيد..
~عليك دعوى بمحكمة وبدك ما تخسر، تقدم بمخاصمة مع القاضي، والقاضي اللي بعده واللي بعده.. بتموت قبل ما يطلع حكم ضدك.. اكبر مجرمين بلبنان بالمطاعم..
~ انت بدك تربح دعوى قضائية ضد حدا؟
ما تدور على محامي شاطر قانونيا..
دور على محامي عنده شبكة علاقات مع القضاة..
~واخيرا عندك قضية وطنية وبدك مرجعية بتموت فيها كل الدولة وقضاياها.. حول القضية والملف للمجلس النيابي ولجانه.. وادراجه.. والدرج هنا ممكن يعني جارور بتعفن القضية فيه، او سلّم تدحرج..
واضحة..
قصر العدل مدفن العدالة، ومجلس النواب مقبرة قصر العدل.. وكل الدولة..
وودائع حتحصلوا.. بس محفوظة ومقدسة..
يحيا العدل يا صفية..

٨ تموز ٢٠٢٤
حسن أحمد خليل