11 مارس · 2023
ما حدا بده يصدق
صرح آمين عام جمعية المصارف البارحة، واليوم رئيسها عن سيولة المصارف.
وبعدين؟
من عشرين سنه نبهنا انه ما في فرق بين الليره والدولار.
واليوم ايضا ما تغير شيء.
اانت يا مواطن حامل هم انه الدولار يطلع من 91الف ل 100,000الف.
يعني من 1500 الى 91 الف ما كان في مشكله. والان من 91الف لمئه الف في مشكله.
ولو صار 200,000 او مليون، المشكله مش بسعر الصرف،والبلد كله مدولر الا معترين العسكر والقطاع العام.
والمشكله انه الليره مجرد ورقه.
البلد مدولر من يومها والكل عاش بكذبة الليرة، وهي مدولرة من يومها.
اليوم المشكله الرئيسيه انفجرت لانه ما عاد في دولارات. البعض بقول لك الدولة.. الدوله ما عاد معها. هدرت كل المصريات بالفساد.
بيقولوا لكم البنك المركزي فيه فجوه. وكانها حفرة طريق. يعني في سرقه، مش فجوة ب 80 مليار دولار.
والمصارف؟
المودعين بيقولوا الحق على المصارف، ولازم يردوا مصرياتنا.
المصارف ما عاد عندها مصاري الا حفنة. راسمالها المجمع كله طار.
المشكله انه ما عاد في دولار بالبلد.
وبعدهم العصابه ما الفوا حتى لجنة طوارئ، غير خطط خنفشارية بدون منطق.
مشغولين بانتخابات رئاسه الجمهوريه؟؟؟ وانتم بطيبة قلبكم، كل يوم مسمرين على التلفزيونات، ناطرين شو حيصير بانتخابات رئاسه الجمهورية.
كل الوضع شبكة مترابطة، ممزوجه بين فساد الفاسدين.. وجهل التابعين.. وجبن الساكتين.. وجشع الهاربين..
شو؟مين جايي رئيس جمهورية؟
المهم مين حيكون رئيس حكومة؟
رئيس مجلس مضمون الحمدلله..
خلاص اطمنوا قربت تنحل.. او تنحلوا وتتحللوا..
١١اذار ٢٠٢٣
حسن أحمد خليل
