12 مارس · 2023
اكيد اصلنا فينيقين
كيف؟
تجار جوا وبرا.
تجار بر وبحر..
نبيع بضاعتنا جوا للي بيدفع، وننتخب للي بيوظفنا او بيعطينا رخصة سلاح، او بيحمينا من ملاحقة فساد. او ب١٠٠دولار وربما بأقل.
ونبيع بضاعتنا لبرا.
نشق البحر ببواخرنا ونبيع حسب طلب الزبون. ولاء غب الطلب. عمالة غب الطلب. وشاية على لبنانيين بدون توصية.
نعبر البحر الاحمر والخليج العربي والبحر المتوسط، لنبيع للعربي والاعجمي.
نشق المحيطات، الأطلسي والهادىء والهندي، لنبيع للاوروبي والأميركي والروسي والصيني، وحتى الاسترالي.
ولو كان في زمننا صواريخ لوصلنا وبعنا بضاعتنا لكواكب في الفضاء.
شو؟ سامعين في اصوات دنانير وريالات ودراهم؟
يا عمي مين قال نحن فينيقين؟
يا عمي نحن “ذو عمق عربي”.. ونحن من صناع الحضارة العربية.. مين قال فينيقين؟
١٣ اذار ٢٠٢٣
حسن أحمد خليل
