13 نوفمبر · 2023
~صارت سرقة العصر، وطلع بعدها عصابة من الف خبير تابع اكثرهم لعصابة الحكم يخبرونا كيف افلسنا..
~وصلوا التكفيريين على قلب المناطق، وطلعت عصابة تخبرنا انو هيدا وهم، لغاية ما انسلخ جلد، وذبح ضباط وجنود من الجيش..
~بمجرد الاعلان عن التنقيب عن الغاز، طلع علبنا الف خبير صاروا يعرفوا شو في مخزون، وبعدها الحفارة ما وصلت، وطلعت النتيجة لهلق فالصو..
~وهلق طلع لنا كل يوم منظرين “يعرفون” شو لازم تعمل القيادة على الجبهة، اكثر من القيادة..
ولازم القيادة تبرر لكل واحد ليش ما عم تعمل شو براسه، وأكثرهم، كالعادة، ما في كثير براسهم..
والانكى كل واحد بيحكي وبيبتسم، كأنه هو المتمسك بأزرار الصواريخ..
يا عمي.. هالمرة ريحونا..
لانو كل مرة بتحكوا بنفوت بالحيط..
دخيلكم هالمرة عيرونا سكوتكم وابتساماتكم..
حقد وتآمر وخيانة الاخصام طبيعي..
بس اليوم غباء “الغيورين” لا يحتمل..
