19 سبتمبر · 2023
مقارنة
وليش لبنان بيت دعارة؟
(لفتت انتباهك؟ اقرا)
الشعب بدو فضائح جنسية.. ( والفضيحة اخر المقال)
زهق مال وموازنة..
ممن تتعلم افضل الدروس؟
على مهلك..
ولا تستعجل تنعت “ولد سفارات”.
افضل درس تتعلمه من العدو..
لم يتركوا الاسرائييلون الشوارع، اسبوعيا، وبمئات الالاف، احتجاجا على محاولة السلطة السيطرة على القضاء..
وفي لبنان بعض كبار القضاة، كما الجزء الأكبر من القضاء فاسد، ومسيطرة عليه المنظومة السياسية..
شو يعني هيدا؟
يعني اعداء الداخل اشرس..
وبس عمرو دياب بيوحد 20 الف وبثياب بيضاء..متل وقت تاليف حكومة..
وما ننسى طبعا مهرجانات الزعماء..
ومن الحضور قضاة..
شو يعني هيدا؟
هيدا يعني انك فيك تلاقي مئتين الف اسرائيلي متوحدين ضد الفساد..
وبلبنان كمان فيك تلاقي نصف مليون لبناني مسلح للميليشيات، ومليونين ناخب، متوحدين لحماية اللي سرقوا ال6 مليون..
شو يعني هيدا؟
هيدا يعني انو من 70 سنة بنعرف عن اعداء الخارج..
وفات عن البال، انو تحصين الحدود اساسه تحصين البيت..
شو بينفع معلم تربية واخلاق يحاضر عن العفة.. وببيته زوجته عاهرة.. واولاده كبروا قوادين..؟
هل بيبني جامع او كنيسة..؟ او بيبني بيت دعارة..؟
لبنان بيت دعارة…
مفتوح لوسخ كل المنطقة والعالم..
عم تشوفوا كيف كل الموفدين، ودول، وخماسية وسباعية ومئوية، بيزوروا بيت الدعارة..؟ وكيف كل ارباب البيت، واهل البيت، مبسوطين يفتحوا لهم الغرف وبيتنافسوا مين غرفته حاهزة اكثر؟
معك نفوذ او مال؟
تفضل؟.
المطاعم مليانة..
بس عم يقولوا اليوم ان الموسم الدراسي مش مضمون..
مش مهم العلم.. المهم اللهط والعلف..
١٩ ايلول ٢٠٢٣
حسن أحمد خليل
