26 فبراير · 2023
اجوبة سريعة
مين هي اللي زاعجة بعض السياسيين الفاسدين، وبعض المصرفيين الجشعين، وبعض القضاة والصحافيين الرخيصين؟
ما دام نجحت تزعجهم كلهم دفعة واحدة، وحيحاولوا هالاسبوع مرة تانية يكفوا يدها.. يعني،
شو ما اسمها وموديل شعرها، بطلة.
~استنسابية بالملفات؟ بدنا نسلم معكم..
خذوا ملفاتكم لقاضي تاني. ليش ملزوقين فيها؟ وقدموا اخبارات وطلعوا احكام..مش اكثر القضاء بأمركم؟
~عونية؟ بدنا نسلم معكم.
هل هذا يعني ان حربها مع المصارف وسلامة غلط؟
المدعين مجموعة محامين ابطال، ومش عونيين.
وعلى كل حال، تكرهوها انها عونية، حقكم، لكن احكموا عليها بما تقوم به من أجل المنهوبين.
~شو صار بملف مكتف؟ معكم حق.
استفسروا من القاضي نقولا منصور. عنده الملف.
~شو صار بالقرض الحسن؟
معكم حق.
استفسروا من لجنة التحقيق الخاصة والمركزي. الملف عندهم.
ما في أسوأ من شراسة المذكورين فوق، الا “ذكاء” الراي العام..
لا معركتنا مش خسرانة.
معركتنا رابحة اذا ربحنا، ورابحة اذا خسرنا.
كشفنا فسادكم، و”ذكاء” اللبنانيين، اللي بيركزوا على كراهيتهم بدل حقوقهم.
وما في حل للحقد والحاقد.
٢٦ شباط ٢٠٢٣
حسن أحمد خليل
تجمع استعادة الدولة
