27 أبريل · 2023
لان الحقيقة نسبيا بلشت تظهر.
ولان في ناس ما بتعرف شو عملنا، وبدون مركز سلطة.
يكفي ما اعلنه الرئيس لحود بمقابلته، ان المدعو حسن احمد خليل زاره واقنعه ما يرضى ببيع الخليوي اللي كانت المنظومة ناوية تبيعه بمليار ونصف دولار.
بشجاعة اميل لحود ما تمت الصفقة.
بعدها كان مدخول الخليوي لمدة عشرين سنة يقارب المليارين دولار سنويا. راجعوا الميزانيات.
يعني بدون سلطة، افتخر انني ساهمت في مدخول للدولة ٤٠مليار دولار.
وبتعرفوا شو؟
هلق ترفع ايدها المافيا عنه، خلال سنتين نتعهد نرجع قيمة القطاع الى أكثر من ١٥مليار دولار.
واتعهد برفع مدخول الجمارك من ٤٠٠مليون الى ما يفوق المليارين. ونفض الضمان الاجتماعي المفلس.
والاهم الاهم منعونا نفض المديونية ووقف عهر بعض المصارف، ووقف عجز الموازنة
هلق عرفتوا ليش نحن مصنفين اعداء المنظومة وصحافتها..
وانتظروا.. بعد ما خبرناكم شيء من المستور.
قريبا بنخبركم كيف منعونا نلغي فوائد الليرة اللي كلفت ٤٤مليار دولار، وكيف سنة ٢٠٠١، منعونا نعمل انترا اكبر مصرف استثماري في العالم العربي.
وكيف نعمل “بنك الفقراء” مع الامير طلال بن عبد العزيز، لتمويل المزارعين والمقيمين في القرى..
ومنعونا نمنع الافلاس والانهيار..
اسالوا اي سياسي بتعرفوه عن هالكلام.
اسالوا تيار المستقبل والوطني والحركة والحزب..
اسالوهم قيادة وافرادا..
واليوم.. آخ من اليوم..
بعدهم بدهم يجيبوا رئيس جمهورية وحكومة ويركبوا طرابيش، وكأنه ما صار شيء..
شو هالبشر؟ شو هيدا؟
والله بالامازون في حياء وخجل اكثر..
