28 مايو · 2023
*سخافة انتخاب رئيس جمهورية. اقتراح بسيط الى كل النواب. او بالأحرى اقتراح الى رؤساء الكتل والمستقلين.*
انسوا رئاسة الجمهورية، وكذبة المسار الدستوري..
شو يعني مرشح ممانعة وسيادة؟
هدفكم جميعكم بدون استثناء، حصتكم في ما بعد الرئاسة.
(ما عدا حزب واحد هدفه ما يكون في رئيس متآمر عليه مع الخارج).
بلا نفاق ومداورة. اجتمعوا واتفقوا على الحكومة القادمة، وشكلها ومهمتها وصلاحياتها.
بتصير رئاسة الجمهورية ثانوية…
واكيد ساعتها بتتفقوا على المنتظر..
والا مش مهم على مين تتفقوا، حترجعوا تفوتوا البلد بدوامة الحكومة ورئيسها والحصص والتمثيل.. وننتطر اشهر وسنوات، متل ايام حكومة تمام سلام.
مجرد اقتراح.. طبعا اذا حدا بدو يسمع.
بس اغلبكم طرش، او خرف.. او مصاب بمرض عظمة فرعون..
بس لازم تعرفوا ان اللي متلنا بيتمنى انو ما تتفقوا، لان اتفاقكم خراب، وممكن يكون خلافكم أرحم..
٢٨ ايار ٢٠٢٣
حسن أحمد خليل
