ادناه كلام بيحكي عن انو هيدا الشعب اللبناني، شو ما عملت في دولته ما بيحكي، وخرج وبيستاهل ينسرق ووو..
كل واحد ارسل هالبوست مفكر حالو انو هو مش معني بهالكلام، وانو هو نخبوي مش مقصود، وانو مش واحد من هالشعب اللبناني..
تجربتي مع اللبناني، انو اللي بينشروا هالبوست هني عم بينشروا عن حالهم ايضا.. وهني كمان ما تحركوا وما كتبوا وما عملوا شيء.
الشطارة انو كل واحد بيحكي عن عيوب “آخرين”، وهو ما له علاقة. شيء مضحك مبكي.
حالة إنكار سيكولوجية..
٢٩ أيار ٢٠٢٤
حسن أحمد خليل
عزيزي المواطن اللبناني :
■ لقد سرقنا رصيدك يلّي كان دولار وعملناه لبناني على ال ١٥٠٠ ل.ل.
■ في ١ تموز ٢٠٢٢ ، رجعناه دولار على سعر المنصة وخسرناك لأننا لقيناك شعب لا بتهش ولا بتنش .
■ غلينا الخبز وما حكيت .
■ غلينا البنزين وما حكيت .
■وطينا معاشك وما حكيت .
■ غلينا الغاز والمازوت وما حكيت .
■ بطلنا نجيب دوا مدعوم وما حكيت .
■ خليناك تدفع كاش قبل ما تفوت عالمستشفى وما حكيت .
■ قطعنا الكهربا وغلينا الإشتراك وكمان ما حكيت .
■ غلينا إشتراك المياه بأضعاف خيالية دون أن تصلك المياه وما حكيت .
■ عملنا قسط المدارس والجامعات بالدولار وما حكيت .
■ غلينا الأكل واللحمة والخضار افربما قد تحكي ولكن ما حكيت.
■ وقفنا الباسبورات وما حكيت .
■ تذاكر الطيران دوبلت وما حكيت .
■ بإنفجار المرفأ المشؤوم ، حكيت بس مش كفاية وكأنك ما حكيت .
■ سرقنا رصيدك بالبنك وما حكيت .
■ غلينا رسوم الموبايل والهاتف الأرضي والإنترنت وما حكيت .
■ كتير اشياء إنعملت فيك وما حكيت .
عزيزي المواطن اللبناني :
أنت خرج نسرقك ،
أنت بتستاهل نسرقك .
أنت شعب مخدّر مبنّج غايب عن الوعي …
*”المرسل : دولتك اللبنانية”*
@ منقول @
Translate post
7:11 PM · May 31, 2024
·
5,767
Views
