31 مارس · 2023
امتحان وسيم منصوري ما بيختلف عن الآخرين.
حنحكي بالدارج..
مساكين الشيعة اللي بيتعينوا من زعيمهم.
يا جماعة بيحكوا عنهم كأنهم مش اشخاص لهم كرامتهم.
كان في وزير مالية اسمه غازي وزني.
لما وصل للي طمح له، اكتشف انه وزير ظل.
قوم..اقعد..علي حسن خليل الوزير الفعلي.
قدم كابيتال كونترول. تبناها ياسين جابر. ضرب على يده، وياسين تراجع وقال “قدمناها بعجلة”. واقترحوه وزير مالية لو تألفت حكومة عكس رغبته.
ما صدق وزني خلص من الوزارة، واختفى.
استرجع كرامته واحترامه.
فجأة حل الرضى على يوسف خليل بعد غضب ٢٥ سنة. ضمنه سلامة لبري.
صار وزير مالية، وكأنه مش وزير.
شكله بلا ما يحكي مكتئب.
أبدى رغبته يستقيل. لكن مش خياره.
ما عاد انسمع صوته.
اليوم عم ينحكى عن ان الرئيس بري رح يخلي وسيم منصوري، النائب الاول للحاكم، يستقيل اذا ما تعين خلف لسلامة.
يا جماعة ما حدا بيسأله شو رأيه لوسيم نفسه.
يا اخ وسيم. نصحتك بصدق من كم شهر تستقيل. ما رديت.
هيك احسن انهم يقيلوك؟
طيب انت شو بتفضل؟ خبرنا..
اللي بيتعين شيعيا، متل اللي بيدخل مع مخابرات:
خيارك تدخل. مش خيارك تطلع، وكيف ومتى..
متى تتوقف الإهانات؟
ومتى ينتهي الاستبداد؟
كل الدلائل تشير إلى اقتراب الفرج..
٣٠ آذار ٢٠٢٣
#حسن_أحمد_خليل
