5 يوليو · 2023
ابداع: مؤشرات اقتصادية لبنانية جديدة. بس بلبنان.
شو بيفهموا صندوق النقد؟ او الاقتصاديين بالعالم؟
لبنان مبدع كالعادة.
ما عنده ppi and cpi.
ولا مؤشر ثقة استهلاك وتضخم..
مؤشرات اقتصادية جديدة:
~عجقة السير. TJ Traffic jam.
~المطاعم مليانة ما بتلاقي محل. RCU. Restaurants Capacity Utilisation
~المسابح مفولة من الشمال للجنوب.BU.
Beaches Utilisation
~حتى بجبيل والبترون وصيدا وصور ما فيك تمشي.
CW. City walking.
~السهرات والبارات مولعة. NCB.
Night Clubs Burning..
~اعتماد دولار جديد غير الفريش واللولار والطلابي.. دولار الشرمودولار.. على ١٢٠ الف.
~سعر صيرفة “الرسمي” يقترب ويبتعد عن السوق السوداء اللي ما بتعترف فيه الدولة، بس بتشوفه..
شو فهمهم برا..
هيدا لبنان.. يجوا يتعلموا كيف بلد ماشي بمؤشراته، بدون رئيس جمهورية وبحكومة زومبي، وبمجلس نواب، قبضايات بس ينزلوا من السيارات، بتفكر محمود المليجي، او مارلون براندو، او روبيرت دي نيرو..
وبلا كهرباء.. فيه اشتراك وطاقة شمسية..
وبلا مياه.. فيه سيترنات…
وبلا بنك.. فيه شنطة وخزانة..
قال صندوق نقد قال..
بلبنان حتى صندوق دفن الموتى لولار ودولار.. روح يا عمي..
ما في احلى من لبنان..
ما تغطيني يا صفية. شوب..
٥ تموز ٢٠٢٣
#حسن_احمد_خليل
