5 يونيو · 2023
الرئيس بري: من بابا نويل الى ” بعبع مش طايقينه”.
شو السر، وشو عدا ما بدا..؟
ولو.. ٣٠سنة، لما كان بري بابا نويل توزيع الهدايا، واقرار الحصص بالموازنات، كان حبيب القلب.
ببهدل بصراخه ويده واصبعه ومطرقته… انت وقف، وانت اقعد، وانت اسكت، وانت احكي، والكل راضي وما حدا بيرفع رأسه..
شو اللي فجاة حرك الانتفاضة عليه، وصار بعبع مش عاجبهم ؟
انشالله حدا مصدق انو فجاة صاروا ديمقراطيين..
السر انو الخميرة خلصت.. والتوزيعات خلصت.. والخزينة نشفت، والأرانب ماتت.
فصار بدهم “ديمقراطية”.
مين؟ اللي دافنينو سوا؟
ومتل ما بيقول المثل.. القلة بتجيب النقار..
قال ديمقراطية قال..
معلمكم السابق بري دلعكم.. والآن مش عاجبكم.
دبروا حالكم معه.. بتتذكروا من زمان قلنا لكم: هيك نواب بدهم هيك رئيس.
اليوم بنقول هيك رئيس بدو يتحمل دلع هيك نواب..
قال ديقراطية قال..
نحن عم نتفرج..
٦ حزيران ٢٠٢٣
حسن أحمد خليل
