Hassan Khalil
10 أكتوبر 2021 ·
مسكين شو قلبه طيب الناخب اللبناني.
بيعطوه وظيفة لينتخبهم، بعدها بيدمروا الدولة، وبتروح الوظيفة.
بتجي انتخابات جديدة. بيعطوه ٢٠٠ دولار، وبيقرطوا كل مصرياتو بالبنك.
بتجي انتخابات وراها، بيحكي المرشح مع مدير بالبنك ليسمح للناخب يسحب ٢٠٠ دولار من حسابو. والناخب بيصير يحلف بحياة المرشح.
وبعد كم سنة ابن وحفيد الناخب، بيعيد القصة مع ابن وحفيد المرشح.
وراجع راجع يتعمر ، راجع لبنان…
