Hassan Khalil
13 ديسمبر 2022·
قال دولة ضمن الدولة.
حدا يسمي حي وزاروب بلبنان مش دولة.
استنفر اهل الأشرفية لصد “غزوة” احتفال فوتبول. اعتقدوها من الضاحية.
خاب ظنهم وزعلوا. طلعت من طريق الجديدة. بس برضو عملوا اللازم لصد الغزوة، وكانها داحس والغبراء..
الأشرفية وطريق الجديدة والضاحية توحدوا مع اسماء متل الطيونة وعين الرمانة وقبرشمون وخلدة، وجبل علي وزحلة.. وحي الشراونة وووووكتير مناطق.
كل منطقة مصنفة تابعة لطائفة. وبالولاء لزعيم ما، او عصب ما.
البلد من زمان في مناطق أمن ذاتي. توحد بفتح المطاعم والمقاهي، وتخلف العقول، بس مش بالنفوس.
بيقاتلوا بسبب عصبيتهم، بس جبناء من اجل ودائعهم واولادهم وبلدهم..
كيف فينا نحن نعمل امن ذاتي من الجهل؟
وقال شو؟ البعض بدو يقسم..
الجهل واحد. ما بيتقسم. السرقة بتتقسم..
اللي متلنا وين بعيش؟
#حسن_أحمد_خليل
