Hassan Khalil
8 أبريل 2022·
مرة أخرى… شو الحل.
الحل بينوجد وقت اللي يبطل في نادي رؤوساء حكومات وبضهرهم المفتي.
ويبطل في رئيس المجلس لا بيتحمل مسؤولية، وبيحاضر عن “الدولة” ،وبيكمل ويعتبر الدولة له، والمجلس كله له شخصيا لاخررر العمر، كما المفتي الشيعي لآخر مفتي.
والحل وقت أقوى حزب بيبطل متعلق بوحدة الصف، ولو شو ما عمل حليفه على قلبه سمنة وعسل. وممنوع الا حكومة من الاحزاب اللي خربت ونهبت البلد. ويبطل مصدق انو مش كل الناس NGO.
ويبطل كل زعيم ماروني، او مواطن ماروني عينه على الرئاسة وبعدهم بالعقد الفوقية، وبضهرهم البطريرك. ودايما الحق على غيرهم.
والحل لما ببيطلوا كلهم حاميين البنك المركزي والعصابة.
ساعتها احكونا بصندوق نقد. كل اللي سمعتوه عن ٣مليار على ٤سنين ابرة تخدير، والدليل المدح الاعلامي.
الحل اذا ما انتخبتوهم… ورح تنتخبوهم.
وبدكم حل. انتظروا الاشهر الجاية، لتترحموا على اليوم.
ولو طلع غاز ونفط، حياكلوه قبل ما يطلع.
فعلا متل ما قال زياد من ٣٠ سنة، صار بدنا شعب جديد..
وبيزعل البعض من هيك حكي. ما حدا يزعل ارجوكم. رجعوا ناموا ازعجتكم..
وانا حارجع نام شوية..
حسن أحمد خليل ،تجمع استعادة الدولة
