٢٣ حزيران ٢٠٢٥ حرب.. وحرب.. مستشارين.. ومستشارين

حرب.. وحرب.. مستشارين.. ومستشارين

هناك مثل من ايام الفلاسفة اليونان: قل لي من مستشاريك اقل لك من انت..
مستشارو القائد او الزعيم مرآة له..
وعندما يتحكموا به يحاصرونه ويمنعون عنه الحقيقة. يسمعونه ما يطرب له فقط..
فيروس من اليونان الى عين التينة.. ويظهر وصل إلى بعبدا بشدة..
هل في شو مستشار يشير على مستشارين بعبدا انهم عم يشوهوا الرئيس وصورته بمواعيذ زوار القصر.. من جمعية المصارف الى علي ابرهيم وابنه الى منصوري، الى تكريم رجل أعمال او صورة امام العلم مع فلان وفلان.. الى والى والى.. او زياراته هو الى فاسدين النافعة وفاسدين الجمرك، والى فوضى مراكز انتخابات. وأسوأها الى البنك المركزي “المستقل” ” الماروني العلماني” ، ثم إلى ساحة الشهداء..
وبعدها فساد زاد وازداد.. وجمرك ما ازداد ايراده..
رئيس الناس شافت النور فيه، يزار او يزور محاط بمستشارين متل خياله.. او بنصيحة مستشارين..
بعدنا بأول ال٦ سنين الطويلة.. الناس تأملت وما زالت، غير هيك من جوزيف عون.

لانو بعدنا بدنا اياه ينجح، هل بتوصل الرسالة.. حدا بيعرف شو مستشار حوله.. يوصل له؟؟..
نسينا… شو اخبار الحرب..؟
بري حسمها. لبنان لن يدخل الحرب.. بس بري ما بيوقف الحرب. بعد قصف مفاعل تعيينات الخارجية، يتم قصف المفاعل النووي لوزير العدل لتعيين المدعي العام المالي، ونائب الحاكم المنتصر منصوري..
بعد القصف من قاذفات الB2 من قاعدة عين التينة، على أركان الحكم ان يستسلموا، ويعين علي ابرهيم على انترا.. بعد ان تم تكريمه في بعبدا مؤخرا..

الحكومة كم شهر وبتروح..
جوزيف عون باقي ٦ سنين.. وبري ٦٠ سنة..
هل بيلتقط الوضع وبيصلح ..
ما بعرف ليه عم اتذكر اميل لحود هالايام، وكمان ميشال عون؟؟؟
مستشارين.. مستشارين..

٢٣ حزيران ٢٠٢٥
حسن أحمد خليل