19 أكتوبر 2021 ·
عند أول مفترق. عند اية حادثة. على أفضلية مرور. على نقاش حول الكواكب والنجوم. مستعدين اللبنانيين يتحدوا باسم الله او الأنبياء، مستعدين يتحدوا الله والأنبياء. ما هني على طول بيشتموا لغويا، وبيحبوا الزعيم جنب الله وبعد الله ومن تحت الله، ولولا الله لهو كان الله. منيح. بس ابنه ومدرسته وبطنه وجوعه ومستقبله. وديعته وجنى عمره. شغله. عيلته وتهجيرها. اخواته. جيرانه. كلهم مش مهمين. بينسى. لا بيصلي ولا بيصوم ولا بيروح عالكنيسة ولا عالجامع وبيحكي بالدين. او بيصلي وبيصوم وبيروح عالكنيسة والجامع، بس ما بتتحسن أخلاقه. بالعكس بيزيد تعصبه، وكراهيته. وبيحب رجل الدين وبيسمعه، وبيتجاهل ان بعض رجال الدين شركاء الزعماء الفاسدين. اوعى حدا يفكر ان البدلة والكرافات والشهادات والإقامة باوروبا او أميركا وكندا
وأستراليا بتغير بالعقلية. بيوصل وبيعيش بدولة مدنية وحقوق وضرايب، إلى أن يلتقي بلبنانيين اخرين. بيشلحوا كل الحضارة، ويرجعوا متوحشين.
للاسف انو جزء من الشعب اللبناني وقح وفاجر وفوقي ومتغطرس ونرجسي واناني وعنصري وكريه وحاقد وناقم وعاجز ومتقاعس ومستقيل واتكالي وتافه وجاهل...ودموي وغبي انتحاري. بس جبان عند مصلحته. شمشوم للزعيم.. واللي زعل ما في مشكلة. بكرا بكتب كلمتين مدح بزعيمه او مرجعه الديني وبيرضى...
#حسن_أحمد_خليل