٢٩ نوفمبر ٢٠٢٤ شو هالمصيبة؟ يعني مكتوب عاللبناني ما يرتاح ولا يوم..

[adminArchive]

شو هالمصيبة؟
يعني مكتوب عاللبناني ما يرتاح ولا يوم..
البارحة كان عم ينتقل من منطقة لمنطقة حماية من قصف..
اليوم رجع يطلع بوجهه مناظر وغلاظة بعض السياسيين اللبنانيين،
رجع بدو يتحمل نفاق يومي بمقابلات لمجموعات بيطلع منهم يقول شو بيقبلوا او ما بيقبلوا، ولو اجتمعت كل قوى العالم عليهم لتقنعهم... وهني ما بيحتاحوا اكثر من سفير، فقط سفير، او حتى ضابط اتصال، بيامرهم يصوتوا هيك او هيك. بيطلعوا بعدها يبرروا تضحيتهم ليش قبلوا ب كذا او كذا..

فعلا اللبناني متل سيخ الشاورما. يا هو امام نار عدو عليه من قدام، او اذا هرب من النار، بدو يتعايش مع كل تفاهة بعض السياسة والسياسيين اللبنانيين..
عفوا نسيت "السيادة"، ملح وبهارات الشاورما..

٢٩ نوفمبر ٢٠٢٤
حسن أحمد خليل