9 مايو · 2023 خبر كتير ملفت ومهضوم. يا ريت يسمعه كل لبناني، وشيعي خاصة..ضمن سلسلة سنطلقها: "ليس سهلا ان تكون شيعي".

[adminArchive]

9 مايو · 2023
خبر كتير ملفت ومهضوم.
يا ريت يسمعه كل لبناني، وشيعي خاصة..ضمن سلسلة سنطلقها: "ليس سهلا ان تكون شيعي".
قرأنا صباحا ان "الثنائي الشيعي"، لا يريد من وسيم منصوري، النائب الاول للحاكم ان يستلم بدل الحاكم، ولن يكون له غطاء شيعي. وان التمثيل المالي الشيعي المتمثل بوزير المالية والمدعي العام المالي، بيكفوا تمثيلا للثنائي.
مهضومة؟ لا؟
يعني صاروا يوسف خليل ووسيم منصوري وعلي ابرهيم، تمثيل شيعي، للثنائي الشيعي؟؟
مهضومة؟
تمثيل للثنائي؟ شاء الحزب ام لا.. هم يمثلونه، وبدون معرفته. شاء ام ابى..
لمن لا يعلم فليعلم. ومنكم من لن يصدق.. الحزب القوي بكل قوته، ممنوع عليه، لا هو، ولا أي رئيس حكومة مكلف، حتى مجرد أن يسأل من في رأسه للرئيس بري خيارا لوزير المالية، او نيابة الحاكم. هو فقط يخبرهم عندما يحين وقت الجهوزية لإعلان الحكومة او مرسوم التعيين.
ممنوع على الحزب القوي، بكل قوته، حتى أن يستفسر، نعم مجرد إستفسار من المدعي العام المالي عن موضوع ما.... إنسى ان يطلب منه طلبا ما... والمدعي العام المالي اسبوعيا مرؤوسا، في جلسة اخوية مع حاكم البنك المركزي، ضمن لجنة اللاتحقيق الخاصة.
كل السيئات على حديدان، اللي ما في غيره بالميدان، وما حدا بيجيب سيرة الحليف، "ساحر البرنيطة والارانب".
وليش لا؟
ومين بيعرف؟
اللي الله منعم عليه هيك حليف... ألف صحتين على قلبه..
صارت القصة متل زوج بيضرب زوجته باستمرار. ولما مجرد تحاول تشتكي بيهددها ان يتركها. بتسكت وترضى بالضرب مجددا..
وما بتفتح تمها، والناس بتفكر ان الزوجة هي الدلوعة..
المشكلة انو البلد والطائفة والطوائف كلهم دفعوا، وبعدهم بيدفعوا الثمن من هيك "إدمان".
فجاة بيطلع واحد عليك، وبيقول لك، يعني شو بتريد؟ يروح جريحين وقتيل بكل ضيعة..
تصوروا هالمعادلة اللي عايشين فيها صرنا ٣٠ سنة..
جريحين وقتيل.. ؟ لا، من الكبائر. بيغضب الإمام علي والحسين والإمام المهدي..
البلد والطائفة وسرقة جنى العمر المقيمين والمغتربين، والهجرة وخراب البيوت وسرقة املاك الدولة والمشاعات، وتدمير المدن والقرى والبلديات، بعشوائية البناء، والزبالة والموتورات والريجي والفيول ونخر القضاء والامن، وافلاس الضمان والمصارف معليش..
حدا عم يشوف شو عم يصير بالجنوب، كبيئة، وشو عم يصير باراضيه وتنظيمه.
مستعدين نتحدى من أدنى الارض الى اقصاها، ومحبينا يتحملوا كل التبعات، لكن فقط وقت اللي مواطن مظلوم مسلوب منهوب منكوب، بيشكي، بتطلع فتوى "الصبر"..
معادلة مهضومة؟
قال شو؟ بيكفي وزارة المالية والادعاء العام المالي تمثيل شيعي.. ما بدهم الشيعة الحاكمية للبنك المركزي..
تذكرت الخطاب الشهير لأحد النواب:
"يا دولة الرئيس. هناك ملفات لو فتحت... نعم... لو فتحت... ستسقط رؤوسا كبيرة...ودولة الرئيس هز برأسه موافقا، خافيا ابتسامة السخرية من الخطاب..
ومن يومها ما سقطت إلا قطة جيراننا من الطابق التاسع.. وعاشت...
ما تغطيني يا صفية..
شيلي الغطاء. الدنيا شوب..
وينك يا زياد الرحباني.. قلي وينك..
بدي ابحث معك مين ضرب غادة عون..
او بالأحرى.. من نصبها بطلة قومية..
١٠ ايار ٢٠٢٣
#حسن_أحمد_خليل