١٢ نوفمبر ٢٠٢٤ هني ما بيموتوا.. بس انت بتموتوا..

[adminArchive]

هني ما بيموتوا..
بس انت بتموتوا..

عملوا حرب اهلية.. منكم ماتوا وهني ضلوا..
عملوا اتفاق الطائف.. هني حكموا وانتو انحكمتوا ونسوكم اللي ماتوا..
غشوكم ببحبوحة مزيفة. انبسطتوا.
سرقوكم ونهبوا الدولة بعدها.. غضبتوا شوية..
صاروا يعطوكم فتات من مصرياتكم، انبسطتوا ونسيتوا المصريات.. وضلوا حاكمينكم برضاكم..
اليوم حرب.. هني عم يفاوضوا وانتو عم تدعوا الله يوفقهم ..
بكرا بس تخلص الحرب، هني بيضلوا بالحكم وانتو محكومين وبتنسوا مآسي الحرب..

*يعني بكل مرحلة موت، بيشغلوكم كيف تضلوا عايشين وبنسوكم مصايبكم..*
*وبيضلوا حاكمين..*
*وبتضلوا محكومين..*

*مش هون المصيبة وبس..*
*بترجعوا بتتقاتلوا منشانهم... وبالروح وبالدم..*

١٢ نوفمبر ٢٠٢٤
حسن أحمد خليل