Hassan Khalil
29 سبتمبر 2022·
نبيه بري ظاهرة فريدة.
كان يقال دايما هيك شعب بدو هيك زعماء ونواب.
نواب بالموالاة والمعارضة. موالاة لمين ومعارضة لمين؟ حسب الحصص.
هيك موالاة بدها هيك معارضة. وهيك معارضة بدها هيك موالاة. بيجمعهم نفاق شعارات “إصلاح أو سيادة”.
بعد حضور مسرحية مدرسة المشاغبين اليوم في المجلس النيابي، للمرة المية، بتقتنع إنو هيك مجموعة وجماعة، ما بيعرف لها إلا واحد، إسمه نبيه بري.
وما حدا بيعرفهم من جوا وبرا إلا هو. وبيعرف خاصرة كل واحد منهم من وين بترضيه او بتوجعه.
“شو بك يا الآن عون رايح جايي. روح أقعد على الصندوق.
شو بكم يا إخوان مجمعين. فاتحين قهوة هون؟
يا بولا خليك محلك.
يا نديم جايي تحكي هون، وما فيك تحكي بحزب الكتائب.
خلاص يا علي. قعود.
شو ما كان رأي حدا ببري، ما حدا بيدير النواب الجهابذة مثله.
اعارضه في كل ممارساته وسلوكه السياسي. لكن لأول مرة اؤيد نبيه بري في إدارته للمجلس.
ما بفيد مع هيك نواب إلا هيك رئيس.
مهضومة جدا مسرحية مدرسة المشاغبين..
أنتظر بفارغ الصبر احضرها بعد مرة..
#حسن_أحمد_خليل
