23 مارس · 2023
شو بده بعد هالشعب؟
تفضلوا. البارحة اللجان المشتركة اجتهدوا بالمجلس النيابي، وعملوا جلسة. ونقوا واشتكوا اكتر منكم.
واليوم الميقاتي، بعد دمعة عين عند لقائه مع العسكريين البارحة، زار بري اليوم، للبحث في القوانين “للانطلاق بالبلد”..
ويقال ان عين بري دمعت ايضا عندما ابلغه ميقاتي معاناة العسكريين.
هالايام رمضان.
وانا ايضا دمعت عيني عندما شاهدت فيديو عن الرئيسين يبحثا في العمق موضوع تقديم او تاخير الساعة، وبعثوا يستشيروا دول عربية اخرى…
افطروا على شراب دمع، وكلوا نق نواب وقوانين..
شو بدكم بعد؟
شعب ما بيعرف شو بيضحوا كرماله هالمسؤولين.
والله ضيعان هالزعماء فيكم..
جيبوا بعد الافطار، مسرحية بياع الخواتم عن راجح والمختار اللي الناس همو، وحكاية عمره. واللي ما بيبصر بنومه الا قلعة عم بتتعمر، وتعلى على الشمس وتتكبر..
اسالوا ريما فيروز..
٢٣اذار ٢٠٢٣
حسن أحمد خليل
