Hassan Khalil
11 ديسمبر 2022 ·
[11/12, 08:43] Hassan Khalil: حوار حوار حوار.
قال ممكن هالمرة يلبوا دعوة بري للحوار. من يوم اللي وعينا.. حوار.
حرب اهلية ولوزان وجنيف وسان كلو وطائف وباريس ودوحة وقصر جمهوري.
وبعدهم بيتحاورا. وهني نفسهم. شلحوا بدلات مرقطة،وتعلموا على بدلات رسمية.
اذا بكل هالحوارات وراح ٢٠٠الف قتيل وانسرقت الدولة ونهبوا الودائع.
غير اللي صرفه صدام والقذافي وعرفات وشو اعلنت عنه دول الخليج انها هدرت بلبنان. ومؤتمرات باريس واحد لعشرة..
وبعده بري بيدعي لحوار.
الحمدلله في حوارات.
والله صرنا نشك انه في حكمة ربانية عم يطول بعمرهم.
بركي الله صار يخاف يسرقوا خزائن الجنة، حتى وهم بجهنم..
حسن أحمد خليل
[11/12, 09:07] Hassan Khalil: تصوروا بالآخرة وقت الله يختار في الجنة، أبرياء وبسطاء ضحايا، يقوموا يتواسطوا عنده، ان يطلع زعيمهم من جهنم لانو “ما خصو”، ويفرجوه صورته بقداس الأحد او واقف على سجادة صلاة او بعمرة..
واخر شيء لما الله ما يرد عليهم، يقولوا الله انو ما حلوة الجنة بدون زعيمهم، ويطالبوه ينزلهم لعنده بجهنم…
معقول؟ معقول ونص
حسن أحمد خليل
