الكل منتظر
الكل منتظر وقف اطلاق النار..
منهم مؤمن حينتهي منتصر بالحرب..
ومنهم بيتمنى انو هوليك يخسروا بالحرب، وبعضهم حتى بيتمنى يخلص منهم نهائيا..
والفريقين عم يتوعدوا بعض بعد الحرب..
هيدا لبنان بحرب وبلا حرب..
واللي متلنا بيتمنى الله يهدي الطرفين، ويوعوا يوما ما، انو اذا واحد منهم خسر، الكل بيخسر. واذا واحد ربح، الكل بيربح..
ما في حل الا ان يحبوا بعض ولو غصبا..
لكن الاخبار السيئة هي ان اللي حيقرر شكل التسوية بعد الحرب هو برا، مش جوا.. يا اذكياء..
وبعدين صرخوا، وتوعدوا بعض، متل ما بتريدوا.. يا اذكياء..
بعد الحرب، واذا بقيتوا متل ما انتو، حيضلوا حاكمينكم اللي داعسينكم برضاكم، وغسلوا دماغكم، وتحاصصوا بسرقتكم..
شو؟ حتبلشوا شتائم؟
على راحتكم..
١٢ نوفمبر ٢٠٢٤
حسن أحمد خليل
