طلب لبناني صغير..
من 45 سنة:
القذافي خطف السيد موسى الصدر، وقالوا الناس انو النظام الثوري حيرد على ليبيا، وبعدهم ناطرين.. وبعده ما رجع..
بعد 45 سنة، اس.ر.ئيل ضربت القنصلية الاير.ا.ن.ية بدمشق. واغتالت هني.ة بطهرا.ن، وقالوا ناس
اي.ر.ان حترد، وناس قالوا مش حترد.
ردت بعد اسابيع.
ناس قالوا رد خفيف ومتفق عليه، وبالتنسيق مع دول اخرى..
وناس بيقولوا اصابت بعض الأهداف الاستراتيجية..
رجعت اس.رائي.ل قالت انها حترد على الرد ال.ا.يراني. وحيكون رد قاسي جدا جدا جدا.
بكرا الرد وبعد بكرا الرد.. مرق اسابيع بدون رد. اليوم صار الرد..
ناس بيقولوا انو كان رد مدروس ومتفق عليه لبعض المواقع العسكرية، وناس عم يتداولوا انو الرد كان مضحك لدرجة انو البعض ماتوا من الضحك..
فينا نحن اللبنانيين نطلب انو الطرفين يشملونا “بهاللطافة” المتبادلة والردود “المدروسة” ..
يعني هونيك رد ومش رد، ولطافة، وكله مدروس. وبس بمدننا وقرانا الحديد والنار والفوسفور والدمار..
فيكم لو سمحتم تشملونا بلطافتكم “المدروسة”..
طيب دخلتونا بالخناقة، دخلونا بالدراسة “والمدروس”.. حتى ما نصير مكدوس..
(عذرا للكتابة التهكمية، لكن طفح الكيل، والقصد واضح. وايضا كلمتين بس لبعض اللبنانيين المنتشيين بتفاهة: لا تنتشي ولا تتعالى مجددا.. القصة طويلة في وسط متطقة جنون من الاف السنين. لن تعود طاووسا. بلبنان ما في طواويس. الكل برغش. ايمتى حتتعلم يا غبي.. )
٢٥ ت١ ٢٠٢٤
حسن أحمد خليل
