Hassan Khalil
14 ديسمبر 2022 ·
في حدا يفيدنا عن الغاز.
البارحة قالت توتال، اذار الجاي بيصير ٢٠ موظف، وصار توصية للباخرة اللي حتحفر اخر سنة ٢٣ الجاي. يعني لنعرف اذا في غاز في حقل قانا لسنة ٢٤. واذا فيه غاز ببلش التحضير لحفر بئر التقييم. Appraisal well. وبعدها processing و infrastructure ٣ الى ٤ سنين للاستخراج.
انشالله اخبار منيحة. بس بحقل واحد لسنة 27 اقله؟
حدا بيعرف شيء عن كل الحقول الباقية. وليش ما حدا بيجيب سيرتها؟
توتال اتت بضغط من حكومتها. من سياتي في ظل دولة فاشلة مفلسة وحكام فاسدين وكذلك قضاء، ناهيك عن التحذير من انهيار إجتماعي.
والنواب الجهابذة بلشوا يبحثوا بصندوق الاجيال القادمة.
يعني بلشوا القسمة، وبعد ما طلعت سمكة واحدة من البحر.
وكم فيلسوف من اللي بصالونات الزعماء، صاروا يشبهوا الصندوق السيادي بالنرويج وسنغافورة. صاروا يفهموا كلهم Sovereign Wealth Fund, متل ما صاروا كلهم يفهموا بمالية الدولة.
آخ.. اكبر حزب لبناني هو “حزب الغبائر”.
الحزب المزيج من الغباء والتآمر..
#حسن_أحمد_خليل
