6 مارس · 2023
نحكي الامور متل ما هي..
وبلا لف ولا دوران
انتخبتوا “مارون نابغة الفطحل” رئيس جمهورية. وبعدين؟
~مش قبلها بعد الطائف انتخبتوا واحد وقتلتوه، وبعدها واحد ورشيتوه.
وبعدها واحد وكفرتوه.
وبعدها واحد واشتريتوه.
وبعدها واحد وطفشتوه.
“والعظماء الموارنة ما “بدك توصي حريص”.
~بيبطل كل”نابغة سني”، بدو يعمل رئيس حكومة، واذا مش هو، لازم حدا بجيبتكم، من “نادي اهل السنة العظماء”.
~مش بيضلوا “العظيم الاوحد” عند الشيعة” رئيس مجلس نواب، بالحد الأدنى ل٣ دورات الجايين.. وممنوع حدا يفكر.. مجرد يفكر، او حتى حدا يفكر فيه، لو هو ما فكر بحاله..؟
~ بيبطل وزير المالية “الشيعي” على نمط “الكفاءات الشيعية” اللي بيدور عليها بالسراج والفتيلة “الزعيم الاوحد”. وباقي الوزارات بيتناتشوها الذئاب المتلبسين طوائف..
~ بيبطل مجلس النواب هو فولكلوري، وكل النواب بالكتل هم دمى عند رئيس الكتلة. يعني خمسة او ستة هو المجلس؟
انتخبوا رئيس او عمركم ما انتخبتوا.
دخلتم التاريخ من الباب العربض. وصفتكم في مقال قديم، وافتخر:
يا سياسيو لبنان..
انتم احقر انواع البشر..
كان الاعتقاد انكم لا تعلمون.
لكنكم تعلمون ما يقال عنكم وعن فسادكم وفساد زوجاتكم واولادكم ونسلكم وازلامكم، وما عادةيهمكم..
لو فيكم ذرة كرامة، لرحلتم..
تسري الدماء بين اسنانكم ومن افواهكم.
دمرتم الحجر والبشر، وما زلتم قابعون على كراسيكم.
ماذا تريدون بعد؟
استغفر الله.
ياخذ عزرائيل ارواح الشباب بالسرطان، والانتحار.. ويطيل بعمركم..
استغفر الله..
استغفر الله..
علها حكمة ربانية كي يرينا الله معنى “ويمدهم في طغيانهم”،
و”ارذل العمر”..
تاكدوا انه اذا قدر الله للناس ان يروكم بالاغلال مذلولين، لن تاتي الرحمة على قلوبهم..
بل سيقولون كما تقول جهنم في القرآن “هل من مزيد”..
٦اذار ٢٠٢٣
حسن أحمد خليل
