يا جماعة. رجاء.
ما حدا يكفرنا..
والله مش بحاجة لامتحان دين وفقه..
لكن حق إلهي للمؤمن ان يتساءل؟؟
الناس مسلمين ومسيحيين، صايمة وعم تصلي وعم تفطر وعم تتعبد..
طيب. مادام الكل ما شاءالله مؤمن لهالدرجة، وبوستات تبشير يوميا بالملايين، ليش بلادنا خربانة مفلسة مهترية مسروقة مذلولة ومفتتة ومنقسمة؟
مش علمتونا الدين اخلاق واستقامة ونزاهة ونضال ووحدة ومساواة وحقوق وواجبات وو.. ويوميا الرسائل عن اخلاق الانبياء واهل البيت والأئمة والصحابة والسيد المسيح والقديسين.
طيب فسروا لنا..
هل الدين غلط.. او كثير من اتباعه منافقين دين ودنيا..
*اختاروا اي جواب.. ونحن مصدقين مسبقا..*
*بدنا نشوف كم واحد حيعترف، ولو بينه وبين نفسه، انه منفصم فكريا، وحتى على نفسه بينافق بالدين..*
بيصوم وبيصلي.. وفاسد بعلاقاته مع الناس ومع الدولة ومع مال الحرام ومع الطمع والجشع والكراهية..
*والاهم.. العنصرية..*
والاحلى.. كتار حيقراوا ويقولوا معك حق، ويعتبروا عم نحكي عن ناس آخرين، وهني مش معنيين..
اعذرونا وسامحونا سلفا..
١٩ آذار ٢٠٢٤
حسن أحمد خليل
Translate post
9:46 AM · Mar 19, 2024
·
13.2K
Views
