بتعرفوا شو السر؟
بعد في 24 ساعة، والسر ذاته؟
*السر بالمجلس النيابي واسراره..*
*اعضاء المنظومة ومع كل خلافاتهم، بدهم رئيس يضمن انو ما بيفتح ملفات الماضي، ورح يحاولوا باسنانهم واظافرهم، ولو صار في دم، يضلوا بسلطتهم ومراكزهم ليضمنوا عدم فتح الملفات بعد اختيار رئيس، وتاليف حكومة.*
*هل اقتنعتوا يا لبنانيين ام بعد؟ وانو تصدقوا ان الخلافات هي حول الشخص “المضمون” ، مش حول برنامج ما؟*
هل اقتنعتوا انكم مجرمين بحق انفسكم انكم تنتجوا وتحموا وتدافعوا عن هيك قرطة؟
عم تشوفوا نوعية النواب اللي بيمثلوكم في مجلس نواب العار؟
هل شفتوا كيف بعض نوابكم غنم عند زعيمكم، وزعيمكم ما بيهموا شيء الا زعامته، ولو احترقت الجمهورية.. وهو غنمة عند حدا برا..
بعد 24 ساعة، لازم ينتخبوا رئيس جمهورية. ولهلق اكثر من 100 نائب مش عارفين لمين بدهم يصوتوا؟ ومنهم نواب وصل باقل من الفين صوت؟
*وانو الحل عصبه هو تحرير المجلس النيابي وتركيبته وطريق ادارته والتصويت فيه..واعادته الى دوره في التشريع والمراقبة والمحاسبة.. وكله اساسه قانون انتخاب جديد للنيابة.. ولرئاسة الجمهورية..*
٨ كانون الثاني ٢٠٢٥
حسن أحمد خليل
