14 سبتمبر · 2023
[14/09, 09:20] Hassan Khalil: بدك وديعتك؟
بسيطة..
في معادلة ما بتغلط..
في طبقة سياسية قرطت الودائع..صح؟
بتؤيد 90٪ منهم، بس بتعارض 10٪ اللي براسك ..
حيصير عليك 90٪ هيركات اقتطاع..
والعكس.. بتعترض على 90٪ منهم، ممكن الهيركات يكون 10٪.
يعني نسبة استردادك مرتبطة حسابيا بنسبة معارضتك..
بس ايضا نضالك..
كل ما نقصت العصابة نسبة مئوية، كل ما ارتفعت نسبة استرداد وديعتك..
ولان العصابة كلها بعدها، ما عدا واحد او اثنين راحوا، ممكن ترد حوالي 10 الى 20٪.
يعني تعارض، ولو “كلن يعني كلن”، وتقعد على الصوفا، وتشكي كأنك “نخبة”، وان الشعب اللبناني لا امل منه، وانت واحد مثله.. تخبز بالأفراح..
يكون لك وديعة وتقضيها نق، وعلى مجموعات الواتساب.. “نفرح منك”..
تقعد وتقول ما فينا نعمل شيء، ونزلنا وضربونا.. كلفنا خاطرك..
نبكي على وديعتك، ولما يدعوك تفترش الارض بالالاف، وما تطلعوا منها، تقول خلي غيري ينزل.. لان انا ما بعمل فرق.. يعطيك العافية..
ما ملاحظين انكم تاقلمتوا ان الودائع راحت، وان الشعارات لاستردادها صارت شعارات اللي سرقوها..
شو العمل؟
شوفوا غير شعوب كيف انتفضت، بتعرفوا..
صاروا الغابون والنيجر وبوركينا فاسو ومالي ورواندا احسن من لبنان، اللي اقترب يصير يشبه الصومال..
[14/09, 13:36] Hassan Khalil: سؤال لكل المودعين.
ومش سؤال غلاظة ولا تنقير.
انما فرصة للتقييم ليش التشاؤم بلبنان.
خسرتوا مصرياتكم..
كنا نؤمن كل اللوجستيات وندعي لتظاهرة من اجل الودائع. يلبي الدعوة بين 50 ال 100 مودع من اصل 2،160،000 الف حساب. ومتل ما قال زياد نجيم، عمرو دياب بيجمع 15،000 وبلباس ابيض كمان..
صار بعض المودعين يشتمونا، وانو نحن متامرين لإفلاس البنوك، وانو افضل يحصلوا على 400دولار، من ان يواجهوا الدولة والمصارف.
والمهندس رياض سلامة راح واختفى..
لو انتو محل رجال السلطة، اي العصابة اللي سرقتكم، وشفتوا المودعين اللي راح جنى عمرهم خواريف وديعة، بيصرخوا بالديك اللي بيصحيهم، “شو بدك نعمل.. فك عنا”.
هل كنتوا عملتوا شيء، او ابتسمتوا وشكرتوا الله على هيك خواريف..
واللي حيشتمنا على هالكلام، نقول له روح اعمل قبضاي على اللي سرقك.. مش قبضاي على اللي وقف معك وما رديت.
١٥ ايلول ٢٠٢٣
حسن أحمد خليل
