دبي.. وابو ظبي.. والامارات. سنة بعد سنة..
بتزورها. بتغادرها..
بتسال: شو السر؟
شو السر انو العمران والتقدم والانتاج والنظافة والامن والامان والتنظيم والتهذيب والطاقة الإيجابية ما بيتوقفوا..شو السر؟
مصاري؟ لا؟
المصاري بتساعد، بس ما تضمن كل هالميزات.. بلاد تدار كالساعة وبدون تصريحات ولا خطابات ولا تبجح ولا ادعاء. بل بكل تواضع ومساواة..
في هيبة شرطة بدون ما تشوف شرطي..
في معاملات بالادارات العامة بدون وسيط وعلى التواصل الإلكتروني.
متل كل سنة بتكتشف وتعيد: الاساس هو الثقة المتبادلة والاحترام للقوانين بين الشعب والمقيمين من جهة، والمسؤولين من جهة اخرى..
الله يبارك بهيك معادلة..
حسن أحمد خليل
