١٣ حزيران ٢٠٢٤ مبادرة حوار من هون وهونيك..

مبادرة حوار من هون وهونيك..
صار الاغلبية بدهم حوار.
منشان شو؟ انتخاب رئيس.. بالتوافق بين نادي الاحزاب.. او من يباركونه.. وبعدين؟
حوار للاتفاق على رئيس حكومة.. من نادي رؤساء حكومات او من يباركونه.. وبعدين؟
حوار لقسمة الوزارات. وبعدين؟
تحالفات للانتخابات القادمة، ولو بين الزيت والمي.. وفيه اجساد بلا عقول بيرجعوا ينتخبوهم.. وبعدين؟
مجلس نيابي جديد من تحالفاتهم، مع تمثيليات اختلافات. وبعض المتغيرين. وبعدين؟ انتخاب رئيس مجلس من نادي رؤساء المجلس اللي في عضو واحد.. وبعدين؟
محاصصة.. ولو على العظام البالية.. وبعدين؟
وهكذا دواليك لتموتوا ويكبروا الاولاد والاحفاد ويصير فيهم متلكم..
ولبنانيين يهاجروا ويرجعوا زيارات بالصيف.. ويبعثوا مصاري للزومبي الباقيين بالبلد..
واذا مش عاجبك يا صفية، ضبي شنطتك وانقلعي.. المهم ما تنسي امك وابوك واختك، وتبعتي الشهرية آخر الشهر.
١٣ حزيران ٢٠٢٤
حسن أحمد خليل

Translate post
9:20 AM · Jun 13, 2024
·
3,312
Views