23 يوليو · 2023
*لماذا يتمسكون برياض سلامة والمركزي؟ وشو تفكيرهم؟*
مفهومهم ومؤامراتهم تقضي:
ما تبقى في المركزي، مع ما يدخل من الخارج ضمن اقتصاد الشنطة والنقدي، يكفي لتمرير سنتين.
خلالهما اليلد ماشي، وهم، متل الناس، متأقلمين بدون حكومة.
وبيهربوا من المحاسبة، ولو بدها تكلف دم..
خلال السنتين بيبين شو وضع الغاز في البحر..
اذا في كميات، عندها الصدمة الايجابية بتعطي وقت اكثر. وبيصير عندهم سلعة يبيعوها للخارج ليشتروا منهم تبرئتهم، واستمرارهم على الكراسي . والخارج رب من باع واشترى..
واذا ما طلع في كميات، ساعتها بيطبقوا مثل:
” يا بيموت القيصر، يا بيموت الكلب، يا بيموت المنافق، يا الله بيحلها، وبنلاقي كيف نشتري سنتين جدد”.
والناس.. اللي رضيوا وتاقلموا مع كل اللي صار، بيتاقلموا عن جديد.. واللي ما بيتاقلم، “بنشوف خاطره” ليتاقلم..
بالمناسبة: حتى لو ما نجحوا يمددوا لرياض، هو سيبقى في الظل، علنا او جهارا..
وان غدا لناظره قريب..
23 تموز 2023
حسن أحمد خليل
