٧ تشرين الثاني ٢٠٢٥ خبرية ال٣٥ مليار دولار.. ٣٥ مليار..

خبرية ال٣٥ مليار دولار.. ٣٥ مليار..
البارحة القيت قنبلة نووية.. وواحدة هيدروجينية على لبنان، والناس ما شعرت.. وارغيلة..
البارحة زلزال، شق وادي اكبر من قنوبين في وسط بيروت… والناس محششة.. وبتعلف.. ولا حست.
والمسؤولين بعالم استقبالات ووفود.. وسفاحين.. ما حدا حس.. ولا سمع.. المهم الانتخابات..
البارحة قلت لكم ان ال٣٥ مليار دولار اللي كريم سعيد وقبله، وسيم منصوري قرروا مع جمعية سليم صفير يحرموها من مودعين، بحجة انها غير مشروعة، لازم تروح لخزينة الدولة، كونها الدولة التي حصل فيها تبييض الاموال..
ما بتنمحى بشطبة قلم كأنها لا اصحاب لها ولابتروح للمصارف..
يعني الودائع لها اصحاب ولو مجرمون.. والدولة هي بتصادر اموال الجرائم مش كريم سعيد المركزي وسليم صفير واخواته..

٣٤ مليار دولار بدهم يشطبوها.. ولا ردة فعل ولا تعليق. متل شطب ال ٣٥ او ٤٠ مليار تسديد قروض باللولار.
وكأنه لا خبر.
بدهم السياسيين والمصرفيين يعاقبوا المودعين لتغطية جرائمهم..
اذا فعلا اموال مشبوهة يا منافقمين.. مين استقبلها؟ … مبن استفاد منها؟ ما بيتحاسبوا النصارف، او هلق بس عرفوا؟..
بالماضي صرف رياض سلامة مليارات لتعويم مصارف افلست وفاسدة.. من اموال المودعين…
والناس سكتوا لانهم كانوا عم يرشوهم من مصرياتهم.. تماما متل هلق.. بيدفوا ٤٠٠ و٨٠٠ دولار للمودع كتسديد لماله والمصدر للدفع هو الفوائد على وديعته برا..

شو هالمسؤولين المجرمين لهالدرجة..
وشو هالقضاء العفن المعفن الأفسد من السياسيين..
وشو هالشعب المخدر لهالدرجة.
قنبلة نووية ما بتهز ولا زلزال..

بس بتعرفي شو يا صفية؟ خليهم.. غرورهم اعمى.. فكرهم بيطلعوا وبينزلوا وبترجع المصارف والدولة طبيعية..
حيضل هيدا حجمهم.. دكاكين نقدي وصرافة وشقة هون ومطعم هونيك.. وشعب مخدر محشش..

بلد مجرمين ومجانين ومحششين.. وفيلم لبناني طويل..
وهلق الكل بيعلق انو عم نضيع وقتنا مع شعب لا امل منه.. وعلى من تقرأ مزاميرك يا داوود.. واللي بيكتبوا جزء من هالشعب..

٧ تشرين الثاني ٢٠٢٥
حسن أحمد خليل