Hassan Khalil
8 نوفمبر 2022 ·
يا عمي. على الاقل ما تصرحوا.
يعني بعد تصريحات بري، اللي بتجعل الواحد يخجل من السياسبين، انو كيف ما خلوه يقوم بعمله بالمجلس النيابي ل٣٠سنة، لأن المجلس النيابي كان دايما “يتمرد عليه”.
بعني ما نستغرب بكرا. يقول لنا ايضا، انو رياض سلامة ما بيرد عليه.
يعني بري اللي قال عن صندوق النقد، انو المجلس النيابي سيد نفسه، وله سيادته، عاجز امام سلامة، ما بيستدعيه،وهو المطلوب من العدالة داخليا وخارجيا.
على ذكر العدالة. ممكن بكرا يطلع غسان عويدات وعلي ابرهيم، يقولوا ان غادة عون ما عم تخليهم يوقفوا سلامة، ولا اي مرتكب بنهب الدولة.
احلى شيء، اذا طلع علي حسن خليل، ويقول، انو لولا سمح له، لكان منع تركيب الدين، وسرقة المال،عندما كان وزير مالية.
قال شو: ما بيغطي حدا لو مرتكب، وروحوا اسالوا من مدد له.
نسيوا ان التمديد يتم بناء على اقتراح وزير المالية، وموافقة مجلس الوزراء. من اعترض حينها؟
الكل طابخ سوا..
يا عمي يا عمي..
والله ما تستغربوا بكرا، يكتبوا اللي بيشتموا كل يوم على التواصل، انو لولا اصواتهم في الانتخابات، ما نجح ولا نائب من جماعة الحزب الحليف.
واذا حدا تمادى، بعد في امور اخرى ما حكيوها، بيحكوها بالوقت المناسب. خاصة كيف لولاهم، لما كان لبنان مزدهر، ومستقر، وفيه فائض أموال في “الصندوق السيادي” قبل ما يتأسس، وبدون غاز.
غازنا منا وفينا. وريحته طالعة بكل الدول الأوروبية اللي بتحسدنا، ومشان هيك عم تنتقم، وتلاحق هالبريء، المحاسب البسيط الموظف بالدولة.
هني حيحكوا، ونحن سنندهش..
يا عمي. خلاص. على الأقل ما تصرحوا.
يا عمي. كيف؟ كيف بعدكم مفكرين الناس هبل هيك؟
او ليكون انا مفكر الناس واعية.. وغلطان…
#حسن_أحمد_خليل
