٢٥ يناير ٢٠٢٤ هلق صدقتوا او بعد؟

هلق صدقتوا او بعد؟

مهزلة المجلس النيابي اللي شفتوا نموذج منها البارحة، وتركيبته واحزابه المتحالفة وتوزيع ادوارهم، وبعدها اقرار اللي بدهم اياه، ودفن بالجارور اللي ما بدهم اياه.
مجلس النواب هو مصنع رئيس جمهورية وحكومة على مزاجهم..
وادارة الجلسات، واهانة النواب، اللي بعضهم من هبلهم بيضحكوا، والتهديدات والتسخيف والتنكيت و”الحمامة”…
كلها دلائل إلى تحلل الدولة.
مجلس النواب منذ التسعينات والطائف، هو اصل البلاء.
من يوم تحالف الترويكا وبعدها صار رشوة لكل معارض بسعره. اللي رفض بيقمعوه..
لبنان محتل من مجلس نوابه اللي الناس بتنتخبهم..
وما في أمل للبنان، إذا بعد في امل، إلا بتحرير مجلس النواب.
هو مصدر تشريع السرقات وتوزيع المناصب والمغانم والسيطرة على القضاء والأمن وكل مفاصل الدولة..
اذا ما تحرر المجلس النيابي، لبنان رايح على فوضى شاملة بدون ضوابط.. والشياطين في التفاصيل.. وبايدي وبشهادة شعب مستسلم..
٢٥ يناير ٢٠٢٤
حسن أحمد خليل

Translate post
5:00 PM · Jan 25, 2024
·
4,171
Views