هيا.. بسرعة..
اشتروا جريدة “هبت” لسباق الخيل..
اربعة احصنة متبقية في السباق على حاكمية البنك المركزي:
الأول ابن وربيب ومن عصب منطومة السياسيين والمصارف..
الثاني من المعجبين برياض سلامة وكتب مقالات يتبنى سرديته وسردية الاعلام الماجور ان التخلف عن السداد هو اصل البلاء، والا لكانت البلاد والعباد بخير وما راحت الودائع المنهوبة..
الثالث ممن سهل وغطى على ممارسات رياض سلامة خلال ولايته..
والرابع ما له علاقة بلبنان ولا حدا سامع فيه. بس مرزوق ومبارك من الابرشية..
اي واحد من الاربعة لو وصل، لن يتبنى التدقيق ولا استعادة اموال ولا المحاسبة، بل على العكس سيكمل مسار وسيم منصوري بالتغطية، خاصة بعد تقاعد غادة عون. وحيكون بيشبه هالحكومة اللي حترمي الامور لبعد الانتخابات..
بس ما تنسوا كلهم حيرفعوا شعار “الودائع مكدسة.. عفوا مقدسة” وممنوع المس فيها.. حتى اصحابها ممنوع يمسوها..
شو يا صفية؟ على اي حصان بتراهني؟
شو؟ علي انا؟
ما قلت لك من اسبوع يا هبلة. انا حسن وشيعي.. يعني حكما غير مؤهل..
نسيت انو نحن ببلد ثقافة وبنحكي لغات.. وحضارات متعددة، وما بنشبه بعضنا..
خلاص.. نامي..
١٧ آذار ٢٠٢٥
حسن أحمد خليل
