Hassan Khalil
4 فبراير 2022·
صرح زعيم صاحب نظرية ان الودائع قدس الاقداس، ان لا تأجيل للانتخابات ولو دقيقة واحدة.
اذا في حدا بيقدر يوصله، يسأله اذا بيقدر يطبق ان لا تأخير في رد قدس الاقداس ولو لدقيقة واحدة.
واذا ما راح يكمل يعرقل التدقيق الجنائي دقيقة واحدة.
واذا رح يبطل حامي حاكم البنك المركزي بالقوة مش بالقانون ولو دقيقة واحدة.
واذا فيه يسأل حاله دقيقة واحدة شو بده بعد كل هالعمر.
وفيه يخبرنا على شو متكل حتى مرتاح للانتخابات إلى هذا الحد؟ على شعبية الناخبين مثلا اللي ما حدا عم يتجرأ بخبره عن وضعها، ام على الله ومحبي الله وحزبه.
يظهر ما لنا نحن الا نشكي ل الله ونتكل عليه ونتوكل ونتواجه بالانتخابات. يا الله..
والله منبع الهداية..
حسن أحمد خليل ،تجمع استعادة الدولة
