٢ أيار ٢٠٢٥ نموذج من المشرعين في مجلس نواب الامة.. احضروا كوميديا مسرحية التشريع بالشؤون المالية في المجلس النيابي ..

نموذج من المشرعين في مجلس نواب الامة..

احضروا كوميديا مسرحية التشريع بالشؤون المالية في المجلس النيابي ..
او برامج الاعلام وضيوفها.. اقلهم “بروفسير”.
والمقدم بيوزع القاب كيف ما كان. المهم يقولوا المطلوب..
بتشوفهم على التلفزيون.. اول ما يبلشوا حكي بتضحك..
بعضهم ما بيعرف الفرق بين السهم والسند..
ولا الفرق بين الميزانية والموازنة..
وبعضهم ما بيعرف معنى تعابير مثل نسب الملاءة او موازين المخاطرة..
بعضهم ما بيعرفوا غير النيابة لانهم من الزلم اللي رضي عنهم الزعيم، واللي هو كمان ما بيفهم كوعه من بوعه.. بس بيعرف انو لازم يتأمن مصاري لانفاقه.. من الخزينة..
بتضحكوا انو بعضهم ما بيعرفوا الفرق بين الدين الداخلي او الخارجي او بالليرة او الدولار..
بتضحكوا اذا عرفتوا انو بعضهم ما بيعرفوا الفرق بين صندوق النقد والبنك الدولي ومؤسسة التمويل الدولية..
بتضحكوا اذا عرفتوا ان بعضهم ما بيفهموا الفرق بين بيع اصول او استثمارها او اصدار مشتقات عليها مثل الذهب..
ما بيفهوا شيء من هندسات المهندس، مثل اوبتيموم. بس بيفهموا انو لازم يحمونه.. ويقبضوا اخر الشهر أو يحصلوا على قرض ما بيدفعوه..
بتفقعوا من الضحك تسمعوا نائب بلجنة او اعلامي او ضيفه بيحكي عن الناتج وهو مفكر عم يحكي عن الانتاج المادي..
او لما يحكوا انو المصيبة هي في التخلف عن السداد، بينما اصحاب السندات انفسهم لهلق ما فتحوا الموضوع..
عم يتعلموا بالممارسة..
٢٠٠ مليار خسارة جديدة وبيصيروا شاطرين..

كوميديا..
هؤلاء هم نواب واعلام الأمة (الجيوب)، حماة الديار (المصارف)..
هؤلاء يا مودعين من تتأملوا منهم يردوا الودائع وبتحضروا برامجهم..
متل اللي يتأمل من بنت حلال تلقي خطبة جمعة او عظة أحد..
انتظروا..
تبقوا فيقوني من النوم لما يتوقف شو مسؤول واحد غير ناطور البناية او صفية..
شو اخبار التعيينات القضائية؟
ومين حيختار “المعلم” محلهم؟
رجاء ما منقبل الا نفس النوعية.. تعودنا..
ارجوك يا سادة ما تغيروا…
قول انتم حريصون مش بحاجة لتوصية..

٢ أيار ٢٠٢٥
حسن أحمد خليل
تجمع استعادة الدولة